سائنس اور ٹیکنالوجی

اگر آپ کو کسی ٹوائلٹ یا ٹرائی روم میں اس طرح کا کوٹ ہینگر لگا ہوا نظر آئے تو فوراً پولیس کو کال کریں

If you see a set of coat hangers in the toilet immediately call the police or probation Rome
Written by ur@pak26.com

اسلام آباد(مانیٹرنگ ڈیسک) جدید ٹیکنالوجی ایک جانب انسان کی زندگی آسان کر رہی ہے وہیں کچھ شیطان صفت لوگ اسے غلیظ مقاصد کے لئے استعمال کر کے انسانوں کی زندگیاں برباد بھی کر رہے ہیں۔ پبلک ٹوائلٹس اور ملبوسات کی دکانوں کے

ٹرائی رومز میں ایک خاص قسم کے ہینگر کا انکشاف بھی ایسی ہی مثال ہے، جس میں لگے کیمرے کے ذریعے لوگوں کی خفیہ ویڈیوز ریکارڈ کر لی جاتی ہیں جبکہ انہیں اس کی خبر تک نہیں ہوتی۔ پولیس کو اس قسم کے ہینگر استعمال کئے جانے کی شکایتیں بڑی تعداد میں موصول ہو رہی ہیں۔ عام طور پر یہ ہینگر پلاسٹک سے بنا ہوتا ہے جو بظاہر کپڑے لٹکانے والے کسی بھی عام ہینگر جیسا نظر آتا ہے لیکن اس کے بالائی سرے کے قریب ایک چھوٹا سا سوراخ ہوتا ہے جس کے اندر ننھا سا کیمرہ لگا ہوتا ہے۔ جب ہم کسی پبلک ٹوائلٹ یا ٹرائی روم میں داخل ہوتے ہیں تو اکثر اس جانب دھیان نہیں جاتا کہ اس قسم کے ہینگر کے ذریعے ہماری ریکارڈنگ ہو سکتی ہے۔ مزید تشویشناک بات یہ ہے کہ ’سپائی ہک‘ کہلانے والا یہ ہینگر مارکیٹ میں اور آن لائن خریداری کے لئے بآسانی دستیاب ہے۔ کوئی بھی مجرم صفت شخص اسے خرید کر کسی بھی جگہ نصب کرسکتا ہے۔ یہ عارضی طور پر نصب کرنے کے بعد اتارا جاسکتا ہے اور یوں اس کے اندر ریکارڈ ہونے والی ویڈیو کسی بھی غلط مقصد کے لئے استعمال ہوسکتی ہے۔قانون نافذ کرنے والے اداروں نے خبردار کیا ہے کہ کسی بھی جگہ آپ کو اس طرح کا ہینگر نظر آئے تو فوری طور پر وہ جگہ چھوڑ دیں اور پولیس کو اطلاع کریں۔

 

About the author

ur@pak26.com

Leave a Comment